AC米蘭上盤冇甩拖

2020-02-17 10:44:32 来源:网络

伊巴帶動全面翻生
今晚意甲獨腳戲,AC米蘭主場迎戰拖連奴。「紅黑兵團」自「瑞典神箭」伊巴謙莫域加盟後明顯翻生,撞正聯賽4連敗嘅拖連奴,必趁機打落水狗,讓一球照捧上盤。(myTV Gold 301、Now 638、有線654及614台周二凌晨3時45分直播)

AC於冬季轉會窗免費簽入伊巴謙莫域,更不惜放走年輕前鋒比亞迪克,一度惹嚟質疑。不過「瑞典神箭」用行動證明自己,自佢加盟後,「紅黑兵團」各項賽事錄得4勝4和僅1敗,呢位38歲老將亦有3粒進帳,包括上輪聯賽嘅米蘭打吡,交出入波兼助攻,仲有一球頂中柱,最終雖反輸2比4,但伊巴交足貨,而且AC圍繞佢進攻,唔似得上半季冇晒重心,並打番起列比錫、查漢奴古等中前場球員,其中上半季踢到冇影嘅列比錫,近6仗入5粒兼交出1次助攻,呢點正係伊巴獨有嘅影響力。

拖連奴4連敗有排衰
另一邊廂,拖連奴踏入2020年後愈打愈差,近4場聯賽輸晒,今仗仲有主力後衞阿曼度艾素坐波監,防守進一步削弱,加上射手比洛迪近5仗聯賽都食白果,實在冇本錢爆冷,讓球盤AC讓到一球咁辣,亦反映出對其信心十足,呢個上盤不容錯過。

hg0088.com