曼聯遇強醒神撐下盤

2020-02-17 10:44:02 来源:网络

車仔輸經驗飄忽兼啞火
今晚英超大戰,車路士主場對曼聯,兩隊都要努力為下屆歐聯入場券而戰。車仔小將經過去年10月、11月嘅蜜月期後,狀態開始起伏不定,真係要套用賭魔陳金城名句:「後生仔始終係後生仔,都係急啲!」曼聯有遇強愈強特性,受讓半一捧下盤。

(Now 621及611周二凌晨4時直播)

車路士今季重用新人踢出驚喜,5名22歲以下嘅英格蘭小將譚美阿巴謙、美臣蒙特、赫臣奧杜爾、列斯占士及湯姆利火速上位,成為球隊主力,季初更打出一段6連勝,勢不可當。不過年輕人最大毛病就係水準唔穩定,之後13場聯賽僅贏4場,如果唔係其他主要競爭對手頻頻失分,根本難以保持前4位置。

車仔戰績低沉嘅主要原因,係射手譚美阿巴謙入球率下滑,加上基斯甸普列錫養傷冇咗個好幫手,畢竟後備前鋒巴舒亞伊及基奧特喺聯賽加埋都只係入咗1球。若果阿巴謙啞火嘅話,車仔嘅進攻可謂頓失支柱,不幸嘅呢位箭頭有傷在身,今場仍未確定能否上陣,如倦勤嘅話,對車仔可謂打擊甚大。

目前排第9位嘅曼聯,距離車仔只係相差6分,由於曼城有可能被禁出席未來兩年嘅歐洲賽,如果上訴唔成功嘅話,隨時聯賽第5都有得踢歐聯,對曼聯嚟講絕對係好消息。曼聯喺冬季轉會窗相當積極,羅致咗士砵亭中場波基斯費南迪斯及尼日利亞前鋒恩哈路,雖然兩人嘅作用尚待證明,但起碼前線嘅調動靈活咗好多,為咗爭取出場機會,各人都要更加努力。

紅魔12次遇前8僅2負
其實紅魔今季對前列球隊嘅成績相當唔錯,單計前8名球隊,共踢咗12場僅輸過2場,強如利物浦今季唯一失分嘅賽事就係喺曼聯身上,可見佢哋嘅防反戰術係有一定威力,車仔嘅防線今季出現極多漏洞,連天價轉會費嘅門將阿列沙巴拿加都因表現太差而失去正選,曼聯今仗絕對有機會偷雞。溫馨提示,今晚天氣轉涼,大家睇波時記得着多件衫啦。

hg0088.com