巴塞內亂「半和」好時基

2020-02-15 15:28:43 来源:网络

今晚西甲前列大戰,巴塞隆拿主場硬撼基達菲。巴塞近期內部問題多多,尤其係蘇亞雷斯因傷長抖,爆發中鋒荒影響攻擊力;基達菲初段最叻玩拉布,造訪魯營唔會輕舉妄動,半場和更值博。(Now 632及611周六晚11時直播)

巴塞踏入2020年都未好過,先有主帥華爾維迪因失落西超盃被炒,再到體育總監兼名宿艾比度批評個別球員表現,連向來內斂嘅美斯都被辣着公開反擊,甚至爆出球王想離隊嘅傳聞,雖然事件迅速擺平,但似係面和心不和。

除此之外,新帥史坦恩接手後7仗,取得5勝2負睇落唔差,不過其中4仗險勝1粒,並於西盃被畢爾包踢出局。史帥重拾傳控打法卻埋門效率偏低,凸顯箭頭蘇亞雷斯受傷後把握力欠佳問題,可惜整個1月冬季轉會窗都買唔到個似樣啲嘅中鋒,近日輪到天價水貨奧士文尼迪比利重創提早收咧,令巴塞啟動西甲特例,若有球員季中養傷至少5個月,就算冬窗已過,仍可於15日內簽入西甲內或自由身球員代替。不過傳聞中嘅目標包括羅倫摩朗、韋利安荷西,仲有今仗對手基達菲32歲前鋒安祖路爾斯,似乎唔多夠班,要極速融入巴塞體系亦有難度。

基達菲拉布鬥磨
另一邊廂,基達菲贏吓一場贏吓又一場,依家殺上第3位有機會踢下屆歐聯。儘管於西盃出局,但佢哋近13場正式賽事豪取10勝3負,有9仗保持清白身,其中8仗更半場同對手打和,證明呢班波唔單止守得,初段會玩拉布鬥磨,今仗造訪勁旅巴塞,當然會先求穩陣,2.4倍半場和不容錯過。

hg0088.com