萊茵河打吡撐慕遜加柏

2020-02-15 15:28:19 来源:网络

杜塞失雙中堅仲嗌攻
周六晚德甲尾場上演萊茵河打吡,尾3杜塞爾多夫主場迎戰4哥慕遜加柏,杜塞爾多夫兩大最強中堅一傷一停,但新帥羅斯拿仍然揚言要搶攻,力爭佢上任後首場德甲勝仗,啱晒質高兼蓄銳嘅慕遜加柏打快攻,慕遜加柏作客讓半一,黑柴撐上盤。(Now 670、FOX+、有線651及611台周日凌晨1時30分直播)

杜塞爾多夫較早前炒咗功勳老帥芬基,搵嚟51歲嘅前曼城德國名宿羅斯拿接掌帥印,佢上任後兩場德甲分別賽和法蘭克福同禾夫斯堡,睇到球員精神面貌積極咗,但無法作出質素嘅改變,上仗悶和缺態嘅禾堡水準甚低,賽後羅斯拿亦對前線唔收貨,認為今仗喺主場應該以3分為目標,但佢哋今季德甲場均入球不足1個,係18支德甲火力最差1隊,焗攻反而會令防線空虛。

更致命嘅係今仗主力中堅安德里荷夫曼停賽,呢季表現最好嘅另一中堅卡恩阿耶漢上輪傷出,趕及復出機會唔高,要用上仗臨危受命,後備入替首度喺德甲登場嘅真卡佐真遜頂檔,呢位歇冬期至由費倫巴治借番嚟嘅29歲新兵原本仲處於適應期,今晚旨意佢喺防線領軍相當牙煙。

尼奧侯斯倒戈戰意堅
慕遜加柏上周末原本要踢另一場萊茵河打吡,但對科隆嘅賽事因為風暴改期,不過呢支首循環大部分時間做1哥嘅勁旅,並冇因為咁而偷懶,教練馬高路斯要求加操,針對近期作客欠佳問題力圖改善,佢哋兩周前作客賽和RB萊比錫已見進步,尤其該仗被安排由攻中改任防中嘅科利安尼奧侯斯,表現大受好評,呢位22歲天才中場前季曾被慕遜加柏外借畀杜塞杜爾夫,仲幫助該隊由德乙升上德甲,今仗重臨舊地揚言要為球隊取得今年首場作客勝仗。慕遜加柏雖然都有前線柏利亞坐波監,但有足夠級數嘅比列安保路頂佢,加上中場基拉馬同守將贊迪斯基都傷愈復出,兵源同爭勝決心更足。

hg0088.com